ახალი ამბები
Home / ახალი ამბები / სალომე ზურაბიშვილი საკუთარი გუნდის დაკომპლექტებას იწყებს

სალომე ზურაბიშვილი საკუთარი გუნდის დაკომპლექტებას იწყებს

უკვე არჩეული  პრეზიდენტი სალომე ზურაბიშვილი საკუთარი გუნდის დაკომპლექტებას იწყებს.

ცნობილი ხდება, რო პრეზიდენტის ადმინისტრაციაში მისი საარჩევნო შტაბიდან  სალომე ზურაბიშვილი რამდენიმე პირის გადაყვანას გეგმავს.

სანდო წყაროს ინფორმაციით, სალომე ზურაბიშვილი  საკუთარ გუნდში მოიაზრებს: ეკონომიკის ყოფილი მინისტრი ლაშა ჟვანია, შიდა ქართლის ყოფილი გუბერნატორი ახა სამხარაძე და მთავრობის ადმინისტრაციის თანამშრომელი სიმონ პეტრედისი. აღნიშნული პირები საარჩევნო კამპანიის პერიოდში ზურაბიშვილის შტაბში მუშაობდნენ, მათ შორის უშუალოდ კახა სამხარაძე რამდენიმე თვის განმავლობაში შტაბს ხელმძღვანელობდა.

არსებული ინფორმაციით, სალომე ზურაბიშვილი ახა სამხარაძისთვის რეგიონების მცხოვრებლებთან ურთიერთობის მიმართულების, სიმონ პედრედისისთვის კი შეზღუდული შესაძლებლობების მქონე პირებთან კომუნიკაციის საკითხების ჩაბარებას გეგმავს.

აღნიშნულმა პირებმა „ინტერპრესნიუსთან საუბრისას “ განაცხადეს,რომ  ამასთან დაკავშირებით,  მათ სალომე ზურაბიშვილისაგან შემოთავაზება ჯერ არ მიუღიათ.

სრულიად საქართველოს კათოლიკოს-პატრიარქის ფონდის ხელმძღვანელი ლაშა ჟვანია  „ინტერპრესნიუსთან საუბრისას აცხადებს, რომ “ მსგავსი შემოთავაზების შემთხვევაში, ეს საკითხი არა მან, არამედ პატრიარქმა უნდა გადაწყვიტოს.

„თქვენ იცით, რომ ვარ სრულიად საქართველოს კათოლიკოს-პატრიარქის ფონდის ხელმძღვანელი. ამიტომ ასეთი რამ ჩემი გადასაწყვეტი არ არის. ეს, ალბათ, უფრო პატრიარქსა და პრეზიდენტს შორის შეთანხმებით უნდა გადაწყდეს. როდესაც მისმა უწმინდესობამ 2010 წელს დამნიშნა თავისი ფონდის ხელმძღვანელად, მაშინ ვთქვი, რომ არც ჩემი ნებით დავნიშნულვარ და ჩემი ნებითაც არ წავალ. ეს მისი უწმინდესობის გადასაწყვეტია,“ – განაცხადა ლაშა ჟვანიამ.

შიდა ქართლის ყოფილი გუბერნატორი კახა სამხარაძე კი აცხადებს, რომ შემოთავაზება ოფიციალურად ჯერ არ ყოფილა და ამაზე ამ ეტაპზე ვერ ისაუბრებს.

სიმონ პეტრედისი აცხადებს, რომ სალომე ზურაბიშვილი მისი მეგობარია და სადაც დასჭირდება, იქ დაეხმარება.

„ჩემთვის არ უთქვამს თვითონ სალომეს არაფერი და ვნახოთ. მე საინიციატივო ჯგუფის წევრი ვარ და რაც იქნება ვნახოთ. მე ვმეგობრობ სალომესთან და სადაც დავჭირდები, რა თქმა უნდა, იქ მივეხმარები,“ – განაცხადა სიმონ პეტრედის.

წყარო:„ინტერპრესნიუსი“

About geomediapress.ge

Leave a Reply

Your email address will not be published. Required fields are marked *

*

x

Check Also

“სტალინის გამო შემიძლია ტანკსაც შევუვარდე”-ემზარ კვიციანი

“პატრიოტთა ალიანსის” ერთ- ერთმა ლიდერმა ემზარ კვიციანმა ,,მეტრონომის” ბლიც ინტერვიუში სტალინზე ისაუბრა. “სტალინი ჩემთვის იყო ...

WP Facebook Auto Publish Powered By : XYZScripts.com