ახალი ამბები
Home / ახალი ამბები / ილია II:„ეკლესიების კარი ყოველ ღამით გაიღოს, უსახლკარო ადამიანების შესაფარებლად“

ილია II:„ეკლესიების კარი ყოველ ღამით გაიღოს, უსახლკარო ადამიანების შესაფარებლად“

უწმინდესისა და უნეტარესის, სრულიად საქართველოს კათოლიკოს-პატრიარქის ილია II-ს დღევანდელი ინიციატივა: ეკლესიების კარი ყოველ ღამით გაიღოს უსახლკარო ადამიანების შესაფარებლად

ამის შესახებ, საქართველოს კათოლიკოს-პატრიარქმა, ილია მეორემ სამების ტაძარში ქადაგებისას დღეს განაცხადა და ეკლესიის წინამძღოლებს კურთხევა მისცა:

ჩვენ უნდა გვახსოვდეს, რომ ეკლესია, ეს არის სხეული იესო ქრისტესი, უძლეველი სხეული. ამიტომ ამბობს იესო, რომ ბჭენი ჯოჯოხეთისანი ვერ ერეოდენ მას. თქვენ მოგეხსენებათ, წინ გველის მკაცრი და ცივი ზამთარი. მინდა, გაჭირვებული და უსახლკარო ხალხის მდგომარეობას შევეხო, რომლებიც შუა ზამთარში გარეთ რჩებიან. მინდა თქვენი ყურადღება გავამახვილო იმაზე, რომ მრავალი უსახლკაროა ქუჩაში. გეძლევათ კურთხევა, [ეკლესიების წინამძღოლებს] რომ ჩვენმა ეკლესიებმა, ღვთის სახლებმა, კარი გაუღოს უსახლკარო ადამინებს ღამით, რომ მათ ჰქონდეთ ღამის გათევის საშუალება, რათა ღია ცის ქვეშ არ იყვნენ. მე მაქვს სურვილი, რომ ეკლესიები ყოველ ღამით მოვაწყოთ თავშესაფრებად.

არ დაგვავიწყდეს, ყველამ შევთხოვოთ უფალს, დაიცვას და დაიფაროს ჩვენი ქვეყანა და ჩვენი ხალხი. განსაკუთრებით, რომლთაც არ აქვთ ამ განსაცდელისგან თავის დაღწევის საშუალება. ჩვენმა ერმა და მართლმადიდებლურმა ეკლესიამ არაერთხელ აჩვენა გაუტეხლობის მაგალითი და მჯერა, უფლის შეწევნით, ეს მომავალშიც ასე იქნება და ერთიანი დახმარებითა და ლოცვით ცივი ზამთარი ღვთისმშობლის წილხვედრ ქვეყანაში აღარავის შეიწირავს.”

About geomediapress.ge

Leave a Reply

Your email address will not be published. Required fields are marked *

*

x

Check Also

144 ათასზე მეტი ბავშვი 2019 წელს მიიღებს დღევანდელზე ხუთჯერ მეტ, 50-ლარიან დახმარებას

144 ათასზე მეტი ბავშვი 2019 წელს მიიღებს დღევანდელზე ხუთჯერ მეტ, 50-ლარიან დახმარებას. ფინანსთა მინისტრის, ივანე ...

WP Facebook Auto Publish Powered By : XYZScripts.com