ახალი ამბები
Home / ახალი ამბები / ეკა გიგაური:„გამოძიებას უნდა მივაწოდო ზუსტად ის ინფორმაცია,  სალომე ზურაბიშვილის სასარგებლოდ ყალბი პირადობის მოწმობების შესაძლო დაბეჭდვასთან დაკავშირებით“

ეკა გიგაური:„გამოძიებას უნდა მივაწოდო ზუსტად ის ინფორმაცია,  სალომე ზურაბიშვილის სასარგებლოდ ყალბი პირადობის მოწმობების შესაძლო დაბეჭდვასთან დაკავშირებით“

ეკა გიგაურმა განაცხადა, რომ  ის გამოძიებას მიაწვდის იმ ინფორმაციას, რომელიც სალომე ზურაბიშვილის სასარგებლოდ ყალბი პირადობის მოწმობების შესაძლო დაბეჭდვასთან დაკავშირებით აქვს.

“გამოძიებას უნდა მივაწოდო ზუსტად ის ინფორმაცია, რაც გვაქვს განცხადებაში ნათქვამი, რადგან ამაზე მეტი ინფორმაცია არ გაგვაჩნია. გუშინ ვსაუბრობდით კონკრეტულ სახელებსა და გვარებზე, რომლებიც სავარაუდოდ ამ დანაშაულში არიან ჩართულები. ასევე როდის და რა პირობებში ხდებოდა ეს. ამიტომ, ეს არის უკვე საკმარისი იმისთვის, რომ გამოძიება დაიწყოს და გამოძიებამ კონკრეტული შედეგები დადოს. ჩვენთვის არის ძალიან მნიშვნელოვანი, რომ მაშინვე დაიწყო გამოძიება და ეს არის ძალიან კარგი, თუმცა ამის შემდეგ არ ვიცით რა შედეგს დადებს გამოძიება. მნიშვნელოვანია, რომ ყველა კითხვას, რომელიც გუშინ დავსვით, პასუხები გაეცეს”, – განაცხადა ეკა გიგაურმა პროკურატურაში შესვლამდე.

შეგახსენებთ, რომ არასამთავრობო ორგანიზაციებმა სამართალდამცავ ორგანოებს გუშინ მიმართეს და არჩევნების სავარაუდო გაყალბების ფაქტით დაინტერესებისკენ მოუწოდებენ.

არასამთავრობო ორგანიზაციებმა – „საქართველოს ახალგაზრდა იურისტთა ასოციაციამ“, „საერთაშორისო გამჭვირვალობა – საქართველომ“ და „სამართლიანმა არჩევნებმა“ პრესკონფერენცია გამართეს, სადაც მათ არჩევნების შესაძლო გაყალბების სქემასა და უკანონოდ ყალბი დოკუმენტაციის დამზადებასთან დაკავშირებით ისაუბრეს. აღნიშნულთან დაკავშირებით პროკურატურამ გამოძიება გუშინ დაიწყო.

 

About geomediapress.ge

Leave a Reply

Your email address will not be published. Required fields are marked *

*

x

Check Also

„ყინწვისის ე.წ. შეთქმულების“ არარსებული მონაწილის“ შოკისმომგვრელი წერილი: „ელექტროშოკი იყო, რომელიც პულტით იმართებოდა, ელექტროშოკითაც კარგა ხანს მაღრიალეს, მას მერე გული დამიავადმყოფდა, იმდენ ხანს მაწამეს, რომ ელექტროშოკისაგან ხელი დამწვარი მქონდა. მერე ვიღაც ბიჭი ძუას მიჭერდა ყელზე, მგუდავდა, ვინც დენით მაწვალებდა-“პროკურორი მეუბნებოდა, 17 წლის გოგო გყავს და დაფიქრდიო.  …….”სიმწრისაგან რკინის ხელბორკილი გავწყვიტე”… …ამის მერე როგორ უნდა დავინდო ჩემი გამამწარებლები???!!!- “ჩემი მოწოდება იქნება, ბოლომდე ნუ გაამწარებენ ხალხს”-მიხეილ ცილიკიშვილი

  ყინწყვისის ე.წ. შეთქმულების არარსებული მონაწილე, პოლიტპატიმარი  მიხეილ ცილიკიშვილი  ციხეში მისი სასტიკი წამების დეტალებს იხსენებს, ...

WP Facebook Auto Publish Powered By : XYZScripts.com