ახალი ამბები
Home / ახალი ამბები / გიორგი გახარია: „კრიმინალთან ბრძოლა გაძლიერდება, გამომძიებელს ეცოდინება, რომ ის არის გამომძიებელი და ოპერს ეცოდინება, რომ ის არის ოპერატიული თანამშრომელი“

გიორგი გახარია: „კრიმინალთან ბრძოლა გაძლიერდება, გამომძიებელს ეცოდინება, რომ ის არის გამომძიებელი და ოპერს ეცოდინება, რომ ის არის ოპერატიული თანამშრომელი“

„წლის ბოლოს დასრულდება ფუნქციონალური დაყოფის ეტაპი და გამომძიებელს ეცოდინება, რომ ის არის გამომძიებელი და ოპერს ეცოდინება, რომ ის არის ოპერატიული თანამშრომელი, – ამის შესახებ ვიცე-პრემიერმა, შინაგან საქმეთა მინისტრმა გიორგი გახარიამ პარლამენტში, რიგგარეშე სხდომაზე ანგარიშის წარდგენისას განაცხადა.

ეს არის უსაფრთხოების და კრიმინალთან ბრძოლის ერთ-ერთი უმნიშვნელოვანესი კომპონენტი. ყველაზე დიდი გამოწვევა გახლავთ ფუნქციათა აღრევა და სპეციალიზაციის არარსებობა. რეფორმის ფარგლებში რამდენიმე მიმართულება გვქონდა და დღეისთვის შემიძლია ვთქვა, რომ წლის ბოლოს დასრულდება ფუნქციონალური დაყოფის ეტაპი და გამომძიებელს ეცოდინება, რომ ის არის გამომძიებელი და ოპერს ეცოდინება, რომ ის არის ოპერატიული თანამშრომელი. ამ რეფორმის ფარგლებში მოხდა გამომძიებლების ცოდნის და გამოცდილების გაძლიერება და დაიწყო მათი გადამზადება იმ ახალი პროგრამების მიხედვით, რაც შემუშავებული იყო შს სამინისტროს პოლიციის აკადემიაში. 2019 წლის ბოლომდე ჩვენ ვაპირებთ სრულად დავასრულოთ ფუნქციების გამიჯვნა და დავასრულოთ თბილისში სრულად იმ ახალი ინსტიტუტის იმპელემენტაცია, რომელსაც ჰქვია მართლწესრიგის ოფიცერი. ეს არის საუბნო მიმართულების ახალი ფუნქციონალი. შს სამინისტროში არ არსებობდა ელემენტარული სტანდარტული პროცედურების აღწერა, ისევე როგორც არ არსებობდა თანამშრომლებისთვის მათი უფლებამოსილებების აღწერაც. ამაზე მუშაობა დაწყებულია“, – განაცხადა გიორგი გახარიამ.

About geomediapress.ge

Leave a Reply

Your email address will not be published. Required fields are marked *

*

x

Check Also

„სამეგრელოში დამატებითი საპოლიციო ძალები იქნება მობილიზებული -მკაცრად გაკონტროლდება საგანგებო მდგომარეობის ფარგლებში“

„მობილიზებული იქნება დამატებითი საპოლიციო ძალები იმისთვის, რომ მკაცრად გაკონტროლდეს საგანგებო მდგომარეობის ფარგლებში უკვე მოქმედი ყველა ...

WP2Social Auto Publish Powered By : XYZScripts.com