ახალი ამბები
Home / ახალი ამბები / ბათუმის ნავსადგურში შევიდა ამერიკის შეერთებული შტატების საზღვაო ხომალდი Porter-ი

ბათუმის ნავსადგურში შევიდა ამერიკის შეერთებული შტატების საზღვაო ხომალდი Porter-ი

ამერიკული სამხედრო ხომალდი Porter-ი ბათუმის ნავსადგურში 2019 წლის 22 ოქტომბერს შევიდა

აშშ-ის საელჩოს ინფორმაციით, Porter-ი Arleigh Burke-ის კლასის მართვადი სარაკეტო გამანადგურებელია და წყალქვეშა ნავების და ბალისტიკური რაკეტების მოგერიება შეუძლია.

ხომალდზე, რომლის მეთაურია კაპიტანი ქრეგ ტრენტი, იმყოფება 39 ოფიცერი და 282-წევრიანი პერსონალი.

ამერიკელი მეზღვაურები მოინახულებენ ისტორიულ ადგილებს და ქართველ კოლეგებთან პარტნიორობას გააღრმავებენ.

აშშ-ის საელჩოს განცხადებით, ვიზიტი ემსახურება აშშ-ისა და საქართველოს თანამშრომლობის განმტკიცებას რეგიონული მშვიდობისა და სტაბილურობის ხელშეწყობით.

Porter-ი საქართველოში 2015 წლის ოქტომბერშიც იმყოფებოდა. გემის ეკიპაჟის წევრებმა და საქართველოს სანაპირო დაცვის დანაყოფებმა ბათუმის აკვატორიაში ერთობლივი წვრთნა ჩაატარეს.

აშშ-ის საელჩოს განცხადებით, გემის რიგით მეორე ვიზიტი კიდევ ერთხელ უსვამს ხაზს საზღვაო სფეროში აშშ-ისა და საქართველოს თანამშრომლობას.

Porter-ი ესპანეთის ასეულის შემადგენლობაშია და აშშ-ის მეექვსე ფლოტის ოპერაციების სამოქმედო არეალში მონაწილეობს მრავალმხრივ მისიებში, რითიც ხელს უწყობს რეგიონის საზღვაო უსაფრთხოების დაცვასა და ევროპაში ნატოს ოპერაციებისა და მისიების მხარდაჭერას.

აშშ-ის მე-6 ფლოტი, რომლის მთავარი ოფისი ნეაპოლშია, ერთობლივი და საზღვაო ოპერაციების სრულ სპექტრს ახორციელებს.

About geomediapress.ge

Leave a Reply

Your email address will not be published. Required fields are marked *

*

x

Check Also

„დღეს ისეთი ვითარებაა ქვეყანაში ყველამ პოლიტიკური სიმპატიები თუ ანტიპატიები გვერდზე უნდა გადავდოთ და საერთო მტერს „კორონავირუსის“ გავრცელებას უნდა ვებრძოლოდ“-გიორგი თევზაძე

„დღეს ისეთი ვითარებაა ქვეყანაში ყველამ პოლიტიკური სიმპატიები თუ ანტიპატიები გვერდზე უნდა გადავდოთ და საერთო მტერს ...

WP2Social Auto Publish Powered By : XYZScripts.com